POLENTIA vel POLLENTIA vulgo POLENZO

POLENTIA, vel POLLENTIA, vulgo POLENZO

urbs Liguriae apud Tanarum fluv. cuius rudera inter Tanarum et Braidam oppid. late sparsa cernuntur; manet castrum exiguum, ad

ripam Tanari, ab Alba Pompeia 7. mill. pass. a Clarasco et Braida 2. Hîc Stilicho feliciter adversus Visigothos pugnavit. Claudian. Bell. Getic. v. 635.

O celebranda mihi cunctis Pollentia saeclis!

Hinc Polentinus adiectivum Statius, l. 2. Sylv. 6. v. 63.

Sen Polentinos mersissent flumina saltus.

Polentia altera, in Piceno, M. Melone, oppid. amplum in colle inter Maceratam et Septem pedam 10. mill. pass. Populi Polentini Plinio, l. 3. c. 13. Pamphilus scribit illam prorsus interiisse. Polentia item, Pollentia Ptolemaeo oppid. Balearis maioris non obscurum apud Alcudiam urb. hinc 5. mill. pass. in Boream. Licet Moletius ipsam Alcudiam esse putet. Nunc Puglienza, in parte Orientali Insul. versus Minoricam.